Сэтгүүл зүйн дээд курсийн 15 дахь удаагийн сургалтаар нийт 21 хүн зургаан сарын хугацаанд дадлага давамгайлсан аргаар суралцсан бөгөөд тэд эхний гурван сард сэтгүүлчийн ажлын үндсэн арга барилд суралцаж, сүүлийн гурван сард радио, телевиз, цахим хэвлэлийн онцлогтой танилцахын зэрэгцээ интернэт ашиглах, радио, ТВ-ийн эвлүүлгийг компьютер дээр хийх чадвар эзэмшсэн. Мөн ХМХ-д дадлага хийж, өөрсдийн сурсан зүйлийг бататган “Шинэ урсгал” сонин гаргаж, дипломын ажлаа хамгааллаа. Мэргэшүүлэх дээд курсийн төгсөлтийн ёслол явагдаж, нийт 21 оюутан амжилттай төгсөж хэвлэл мэдээллийн салбар дах боловсон хүчний тоог нэмэгдүүлэв.
