Өнөөдөр Сонгуулийн Ерөнхий Хороотой хамтран сэтгүүлчдэд зориулан “Сонгуулийн тухай хэрхэн сурвалжлах вэ?” сургалтыг зохион байгууллаа. Сургалтад 40 орчим сэтгүүлчид оролцов.
Энэхүү сургалтаас сэтгүүлчид УИХ-ын сонгуулийн тухай, Улс төрийн намын тухай хуульд орсон нэмэлт өөрчлөлт, 2024 оны сонгуулийн онцлог, үйл явцын талаар мэдлэг, мэдээлэл авахаас гадна сонгуулийг сурвалжлах болон сурталчлахын ялгаа, хараат бус редакцийн бүтээлийг хэрхэн хийх, сонгуулийн үеийн худал ташаа мэдээлэлтэй хэрхэн ажиллах талаарх арга зүйд суралцлаа.