хэвлэлийн Хүрээлэн
Facebook Twitter Youtube
Мэргэжлийн сэтүүл зүйд газарчилна
Мэргэжлийн сэтүүл зүйд газарчилна
Мэргэжлийн сэтүүл зүйд газарчилна
Previous slide
Next slide

Мэдээ, мэдээлэл

“ХАМТЫН ЭРЭН СУРВАЛЖИЛГА” ҮНДЭСНИЙ ТЭТГЭЛЭГТ ХӨТӨЛБӨРИЙН СУРГАЛТ ҮРГЭЛЖИЛЖ БАЙНА

2024-05-20

Хэвлэлийн Хүрээлэн нь сэтгүүлчид, хэвлэн нийтлэгчид, иргэний нийгмийн байгууллагуудад чиглэсэн үндэсний эрэн сурвалжлах сэтгүүл зүйн тэтгэлэгт хөтөлбөрийг хэрэгжүүлж байна. Энэхүү

Түүхэн замнал

Данийн Олон улсын хөгжлийн агентлагийн буцалтгүй тусламжаар “Чөлөөт хэвлэл” төслийг хэрэгжүүлэх тухай Монгол Улсын Засгийн газрын 169 дүгээр тогтоол гарав.
1993.11.17
“Чөлөөт хэвлэл” төслийг хэрэгжүүлэх Байнгын Хорооны хурлаар Хэвлэлийн Хүрээлэнгийн анхны захирлаар Ц.Энхбатыг томилов.
1995.5.1
Данийн талыг төлөөлөн Данийн Сэтгүүлзүйн сургуулийн захирал Ким Минке, төслийн зохицуулагч Ю.Рингаард нар барилгыг хүлээн авав. Хэвлэлийн Хүрээлэн, Сонины Хэвлэх үйлдвэр өөрийн байранд нүүж оров.
1995.7.5
МХХ, МЧАСЭ, МСХ хамтран 1995 оны 11 дүгээр сард сэтгүүлчдэд зориулсан онол арга зүйн “Сэтгүүлч” сэтгүүлийг гаргаж эхлэв.
1995.11сар
Монголын Хэвлэлийн Хүрээлэн өөрийн байран дахь анхны сургалтаа АНУ-ын Аризоны Их сургуулийн багш Форд Буркхардтай, “Сонгуулийн сурталчилгаа ба хэвлэл мэдээлэл” сэдвээр хийв. Сургалтыг Монгол дахь Азийн сан хамтран зохион байгуулсан.
1996.1.29
Хэвлэлийн Хүрээлэнгээс сэтгүүлчдэд зориулсан компьютерын сургалтыг тогтмол зохион байгуулж эхлэв.
1996.3сар
Сэтгүүлзүйн анхны дээд курс 18 оюутантайгаар эхлэв. Сургалтыг Данийн сэтгүүлзүйн сургуультай хамтран “Соросын сан”-гийн санхүүжилтээр явуулав.
1996.11.1
Хэвлэлийн Хүрээлэнгийн Интернэт төв болон номын сангийн албан ёсны нээлт болов.
1996.12.13
Хэвлэлийн Хүрээлэн Монголын анхны хараат бус Мэдээллийн төвийг нээж, анхны хэвлэлийн бага хурлыг Монгол Улсын Ерөнхийлөгч П.Очирбат хийв.
1996.12.25
“Ардчилал, сэтгүүлзүй” төслийн хүрээнд Хэвлэлийн Хүрээлэнгийн дэргэдэх бүсийн мэдээлэл сургалтын зургаан төвийг Ховд, Завхан, Өвөрхангай, Дархан, Хэнтий, Дундговь аймагт тус тус байгуулж нээв.
1997.10.29
“Чөлөөт хэвлэл” төсөл дуусгавар болж буйтай холбоотойгоор шинэчлэн байгуулагдсан Хэвлэлийн Хүрээлэн ТББ-ын анхдугаар чуулган боллоо. Анхдугаар Чуулганаар Хэвлэлийн Хүрээлэнгийн анхны Удирдах зөвлөлийн гишүүдийг сонгов.
1999.02.04
ЮНЕСКО-гийн санхүүжилтээр Хэвлэлийн Хүрээлэнд радио телевизийн студи байгуулах тоног төхөөрөмжийг хүлээн авч суурилуулав.
1999.09.02
ДАНИДА-гийн санхүүжилтээр Монголын хэвлэл мэдээллийн мониторингийн төсөл хэрэгжиж эхлэв. Төслийн хүрээнд Монголд анх удаа Монголын хэвлэл мэдээллийн байдлын талаар суурь статистик мэдээллийг бүрдүүлж эхэллээ.
1999.9сар
Хэвлэлийн Хүрээлэнгээс Монголд анх удаа хэвлэл мэдээллийн болон бизнесийн байгууллагатай хамтран хэвлэл мэдээллийн хэрэглэгчдийн судалгааг тогтмол явуулж эхлэв.
2003.9сар
Хэвлэлийн Хүрээлэнгийн дэргэдэх “Сэтгүүлч” коллеж 20 оюутантайгаар анхны хичээлийн жилийн нээлтээ хийв.
2004.9.1
"Глоб Интернэшнл" ТББ, Зориг сантай хамтран Эрэн сурвалжлах сэтгүүлзүйн урт хугацааны эчнээ сургалтыг анх удаагаа зохион байгууллаа.
2005.5сар
Сэтгүүлчдийн “Мөнгөн угалз” сүлд модны наадмыг анхлан зохион байгууллаа.
2005.12сар
Их Британийн Төв Номын Сан болон Лизбет Розинг Сангийн дэмжлэгтэйгээр хэрэгжсэн “Тогтмол хэвлэлийн архивыг дижитал системд шилжүүлэх нь” төслийн хүрээнд хуучирч, ховордсон 41 нэрийн 40000 гаруй нүүр сониныг цахим хэлбэрт шилжүүлэх ажлыг Монголд анх удаа хэрэгжүүлэв.
2006.4сар
Хүүхдийн эрхийн асуудлаар мэргэшсэн сэтгүүлч бэлтгэх зорилго бүхий “Хүүхэд - сэтгүүлч” клубийг НҮБ-ын Хүүхдийн сан, Олон улсын хөдөлмөрийн байгууллага, Дэлхийн Зөн-Монгол Олон улсын байгууллага, Их Британийн Хүүхдийг Ивээх Сангийн дэмжлэгтэйгээр байгууллаа.
2008.6сар
Данийн угсаа залгамжлах Ханхүү Фредерик Хэвлэлийн хүрээлэнд зочилж, чөлөөт, хараат бус хэвлэл мэдээллийг дэлгэрүүлэхэд Данийн оруулсан хөрөнгө оруулалт, хамтын ажиллагаа, “Чөлөөт хэвлэл” төслийн үр дүнтэй танилцав.
2006.8сар
“Ерөнхийлөгч ба 100 сэтгүүлч” уулзалтыг Хэвлэлийн хүрээлэнгийн Мэдээллийн төвийн 5000 дахь хэвлэлийн бага хурлын хүрээнд зохион байгууллаа. Сэтгүүлчдийн гал тогоонд МУ-ын Ерөнхийлөгч Н.Энхбаяр зочилж, улс орны болон салбарын өнөөгийн байдал, тулгамдсан асуудлын талаар ярилцав.
2008.12сар
Хэвлэлийн хүрээлэнгийн санаачилгаар Байгаль Орчин Аялал Жуулчлалын Яам, НҮБ-ын Хөгжлийн Хөтөлбөр, Дэлхийн Байгаль Хамгаалах Сан, Швейцарын Хөгжлийн Агентлаг, Хүнс Хөдөө Аж Ахуйн Байгууллагын дэмжлэгтэйгээр байгаль орчны сэтгүүлчдийн сургалт, мэдээллийн урт хугацааны хөтөлбөрийн хүрээнд “Ногоон дэлхий клуб”-ийг байгууллаа.
2009.6сар
Дэлхийн банк, Сиднейн Их Сургуультай хамтран “Сэтгүүлзүйн бодит мэдээлэл гэж юу вэ, тулгамдсан асуудлууд” сэдэвт тив дамжсан алсын зайны сургалтыг анх удаа амжилттай зохион байгуулж, 30 орчим сэтгүүлзүйн багш, судлаач, сэтгүүлчид оролцов.
2009.8сар
Эдийн засгийн сэтгүүлчдийг мэргэшүүлэх урт хугацааны сургалт, мэдээллийн хөтөлбөрийг Сангийн яам, Дэлхийн банк, АНУ-ын Хөгжлийн агентлагийн Эдийн засгийн бодлого, шинэтгэл өрсөлдөх чадвар төсөл, Нээлттэй Нийгэм Хүрээлэн, Олон Улсын Санхүүгийн Корпорац, СЭЗИС, Олон Улсын Валютын сан, Залуу эдийн засагч клуб, Хэвлэлийн Хүрээлэн хамтран хэрэгжүүлж эхэллээ.
2010.4сар
Лондон дахь Нээлттэй Нийгэм Хүрээлэнгийн Хэвлэл мэдээллийн хөтөлбөрийн дэмжлэгтэйгээр Монголд хэвлэл мэдээллийн шүүмж судлалыг хөгжүүлэх зорилго бүхий төслийг хэрэгжүүлж эхлэв. Төслийн зөвлөхөөр Данийн Аархусын Их сургуулийн профессор Пол Эрик Нилсен, Словенийн Мировнийн институтын хөтөлбөрийн захирал Бранкица Петкович нарыг сонголоо.
2010.4сар
Хэвлэлийн Хүрээлэнгийн 15 жилийн ойг угтан “Чанартай сэтгүүлзүйг хөгжүүлэхийн тулд бид юу хийх вэ” хэлэлцүүлэг, “Удам дамжсан сэтгүүлч” нөхөрсөг уулзалт, үе үеийн удирдах зөвлөлийн гишүүдэд хүндэтгэл үзүүлэх “Талархлын зоог”, шилдэг сэтгүүлчдийн “Мөнгөн угалз” наадмыг зохион байгууллаа.
2011.1сар
“Эрүүл сэтгүүлзүйн бизнесийн орчин” сэдвийн дор хэвлэл мэдээллийн удирдах ажилтнуудын анхдугаар чуулга уулзалтыг амжилттай зохион байгууллаа.
2012.4.7
Эдийн засгийн мэдээ, мэдээллийн чанарыг сэтгүүлчдийн Өөрчлөгч клубийг бэхжүүлэх замаар сайжруулах урт хугацааны төслийг (2012-2015 он) АНУ-ын ОУХА-ийн санхүүжилт бүхий Бизнесийг дэмжих санаачилга төсөлтэй хамтран хэрэгжүүлж эхлэв.
2012.8сар
Чөлөөт сэтгүүлзүйн эрх зүйн орчин сэдвээр хэвлэл мэдээллийн удирдах ажилтнуудын үндэсний хоёрдугаар чуулганыг амжилттай зохион байгууллаа.
2013.10.7
Олон Нийттэй Харилцах Мэргэжилтэн бэлтгэх гурван сарын Дээд Курсийг нээж, анхны сургалтаа амжилттай зохион байгууллаа.
2014.4сар
Хэвлэлийн Хүрээлэн нь Олон Улсын Эрэн Сурвалжлах Сүлжээний гишүүнээр нэгдлээ. Тус сүлжээнд дэлхийн 120 гаруй орны эрэн сурвалжлах сэтгүүлчид болон багш нар нэгдсэн байна.
2015.4сар
Хэвлэлийн Хүрээлэнгээс Хил хязгааргүй сэтгүүлч олон улсын хүний эрхийн байгууллагатай хамтран “Хэвлэл мэдээллийн эзэмшлийн мониторинг” төслийг хэрэгжүүлж, Монголын хэвлэл мэдээллийн хэрэгслийг хэн хянаж буйг задлан шинжлэв.
2016.12.1
СЗДК-ийн 22 дахь удаагийн сургалтыг Конрад-Аденауэр-Сангийн нэрэмжит тэтгэлэгт хөтөлбөр хэлбэрээр явуулж, төрөл бүрийн салбараар 22 шилдэг манлайлагчдыг сонгон шалгаруулж хөтөлбөрт хамруулав.
2017.2сар
Монголын эрэн сурвалжлах сэтгүүл зүйг олон улсын жишигт хүргэн хөгжүүлэхэд хувь нэмэр оруулах зорилгоор Хэвлэлийн Хүрээлэн, ХБНГУ-ын Дойче Велле Академи болон “Монгол” телевиз хамтран “Investigative Journalism Dialogue” эрэн сурвалжлах сэтгүүл зүйн олон улсын хурлыг Монголд анх удаа зохион байгууллаа.
2017.9.1
НҮБХАС-ын дэмжлэгтэйгээр редакц, сэтгүүлчдэд зориулсан жендэрийн мэдрэмжтэй сэтгүүл зүйн удирдамжийг анх удаа боловсруулав.
2019.3сар
ХБНГУ-ын Дойче Велле Академитай хамтран “Open data” төслийн хүрээнд “Дата сэтгүүл зүйн удиртгал”, “Дата өгөгдлийг дүрсжүүлэх нь” зэрэг сургалтуудыг тус Хүрээлэнгийн сургалтын агуулгад нэвтрүүлсний зэрэгцээ Дата сэтгүүл зүйн шилдэг бүтээлийн уралдаан зохион байгуулж, мөн олон улсын нээлттэй өгөгдлийн өдрийг Монголд анх удаа тэмдэглэв.
2020
Монголд хэвлэл мэдээлэл, мэдээллийн суурь боловсролыг дэмжих, түгээн дэлгэрүүлэх, бодлогод нөлөөлөх зорилгоор төрийн, төрийн бус болон хувийн хэвшлийн 15 байгууллагыг нэгтгэсэн Хэвлэл мэдээлэл, мэдээллийн суурь боловсролын үндэсний сүлжээг Хэвлэлийн Хүрээлэнгийн манлайллаар анх удаа байгуулав.
2020.6сар
Бүгд Найрамдахчуудын Олон Улсын Хүрээлэн, Ардчиллын төлөө Үндэсний сантай хамтран худал мэдээллийн цар хүрээг тодорхойлох, мэдээллийн гуйвуулгын арга технологийг тогтоог зорилго бүхий судалгааны аргачлалыг анх удаа боловсруулав.
2020.12сар
ХБНГУ-ын Дойче Велле Академиас зохион байгуулж буй “Хэвлэл мэдээлэл, мэдээллийн суурь боловсрол”-ын дөрвөн удаагийн цуврал сургалтыг ЕБС-ийн багш нарт зохион байгуулав.
2021
Австралийн сайн дурын хөтөлбөр, Impact Fund сангийн дэмжлэгтэйгээр жендэрийн мэдрэмжтэй сэтгүүл зүйн арга барилын талаарх залуу сэтгүүлчдийн мэдлэг ойлголтыг дээшлүүлэх, нийгмийн мэдээллийн сүлжээнд жендэрийн хэвшмэл буруу ойлголтын эсрэг аян өрнүүлэх уралдааны шагнал гардуулах ёслолыг онлайн хэлбэрээр зохион байгуулав.
2021
Сэтгүүл зүй, хэвлэл мэдээллийн салбарын цаг үеийн асуудлыг хэлэлцдэг Media Watch хэлэлцүүлгийг Нийгмийн цочроож буй хүчирхийллийн хэргийг хэвлэл мэдээллийн хэрэгслээр болон сошиал сүлжээнд хэрхэн хөндөж байна вэ?”, “Орчин цагийн сэтгүүл зүй, хэвлэл мэдээллийн менежмент”, "Хэвлэл мэдээллийн бизнес, эдийн засгийн нөхцөл байдал” зэрэг сэдвээр зохион байгуулав.
2021
НҮБ-ын Ардчиллын сангийн дэмжлэгтэйгээр “Надад санал байна!” нийгэмд тулгамдсан асуудлыг хэрхэн шийдвэрлэх тухай дижитал контентын уралдаан, шагнал гардуулах ёслолын ажиллагааг амжилттай зохион байгууллаа.
2022
Ашгийн төлөө бус хуулийн олон улсын төв /ICNL/-тэй хамтран “Үзэл бодлоо илэрхийлэх эрх чөлөөний олон улсын хэм хэмжээ” Хуульч, эрх зүй судлаачдын уулзалтыг зохион байгуулж, Үг хэлэх, үзэл бодлоо илэрхийлэх эрх чөлөөний олон улсын эрх зүйн хэм хэмжээг танилцуулж, хэлэлцэв.
2022
Жендэрийн Үндэсний Хорооны санхүүжилтээр 2012 оноос хойш УИХ-ын гишүүнээр ажилласан эмэгтэй улс төрчдийн санаачилж хэрэгжүүлсэн ажлын талаар цуглуулсан мэдээллийг нэгтгэн боловсруулах, эмхэтгэл бэлтгэх, судалгааны үр дүнг танилцуулах ажлыг гүйцэтгэв.
2023
УИХ-ын Хууль зүйн байнгын хороо, НҮБ-ийн Суурин Зохицуулагчийн газар, Хүний эрхийн Үндэсний комисс, ТV9 телевиз, Зууны мэдээ сонин хамтран Хүний эрх ба Сэтгүүл зүй сэдэвт хэлэлцүүлгийг “Үл ялгаварлан гадуурхах ба сэтгүүл зүйн зарчим”, “Хариуцлага – хүний эрх ба сэтгүүл зүйн зарчим” зэрэг сэдвийн хүрээнд зохион байгуулав.
2023
Previous
Next

Хэрэгтэй холбоос

Клуб

Бүсийн төвүүд

Гарын авлага

Уралдааны бүтээл

Блог

technologi.site